KSEBOA - KSEB Officers' Association

Friday
May 26th
Text size
  • Increase font size
  • Default font size
  • Decrease font size
Home വാര്‍ത്തകള്‍ വൈദ്യുതി നിയമ ഭേദഗതി - വ്യത്യസ്ത അഭിപ്രായങ്ങളുമായി എം. ബി. രാജേഷ് എം. പി

വൈദ്യുതി നിയമ ഭേദഗതി - വ്യത്യസ്ത അഭിപ്രായങ്ങളുമായി എം. ബി. രാജേഷ് എം. പി

PDF
Hits smaller text tool iconmedium text tool iconlarger text tool icon

MB rajeshപ്രധാന പ്രശ്നം ചോയിസ് ഇല്ലാത്തതല്ല - 

ഈ ഭേദഗതി കൊണ്ട് പ്രധാനമായും ഉദ്ദേശിക്കുന്നത് കണ്ടന്റും കാരിയേജും വേര്‍തിരിച്ച് ഒരു ചില്ലറ കച്ചവടത്തിനുള്ള ഊര്‍ജ്ജമാര്‍ക്കറ്റ് സൃഷ്ടിക്കാമെന്നും അതുവഴി ഉപഭോക്താവിന്   വൈദ്യുതി വിതരണക്കാരനെ തിരഞ്ഞെടുക്കാമെന്നതുമാണ്. എന്നാല്‍ ഈ മേഖലയില്‍ നേരിടുന്ന ഏറ്റവും പ്രധാന പ്രശ്നം ഉപഭോക്താവിന് വിതരണക്കാരനെ തെരെഞ്ഞെടുക്കാനുള്ള ചോയിസ് ഇല്ല എന്നതല്ല, മറിച്ചു വിതരണത്തിനുവേണ്ടിയുള്ള   അടിസ്ഥാന സൗകര്യങ്ങളുടെ പോരായ്മയാണ്. ഈ പോരായ്മ ഊര്‍ജ്ജ ഉല്‍പ്പാദനത്തിനുവേണ്ടിയുള്ള ഇന്ധനത്തിന്റെ കുറവില്‍ തുടങ്ങി, ഊര്‍ജ്ജ ഉല്‍പ്പാദനത്തിനുള്ള സ്ഥാപിത ശേഷി കുറവ്, പ്രസരണ- വിതരണ ശേഷിക്കുറവ് എന്നിവയില്‍ എത്തിനില്‍ക്കുന്നു.


മുന്‍ അനുഭവങ്ങള്‍ -

മൊത്തകച്ചവട ഊര്‍ജ്ജ മാര്‍ക്കറ്റുകള്‍ കാര്യക്ഷമമായി പ്രവര്‍ത്തിച്ചില്ലെങ്കില്‍ ഈ പരീക്ഷണങ്ങള്‍ ഉപഭോക്തൃ ചൂഷണത്തിലേക്കും മൊത്തത്തിലുള്ള ശൃംഖലയുടെ തകര്‍ച്ചയിലേക്കും നയിക്കുമെന്നതാണ്   കാരിയേജും കണ്ടന്റും രണ്ടാക്കുന്ന രീതി പരീക്ഷിച്ചതിന്റെ  അനുഭവം.  യു .എസ്.യിലേയും കാലിഫോര്‍ണിയായിലേയും അനുഭവങ്ങള്‍ ഉദാഹരണം.  ഇന്ത്യയില്‍ ഊര്‍ജ്ജ ഉല്‍പ്പാദന വിതരണ രംഗത്ത് അടിസ്ഥാന സൗകര്യങ്ങളുടെ അപര്യാപ്തത ഇപ്പോഴും നിലനില്‍ക്കുന്നു. കമ്പോളം പ്രവര്‍ത്തിക്കുമ്പോള്‍ ഈ അപര്യാപ്തതകള്‍ മൊത്തത്തില്‍ ഒരു ചെയിന്‍ പോലെ പ്രവര്‍ത്തിക്കുമ്പോള്‍ ഫലം ദോഷകരമായിരിക്കും.


പാകമായില്ലെന്ന് ലോകബാങ്ക് പോലും -

"മോര്‍ പവര്‍ ടു ഇന്‍ഡ്യ: ചലഞ്ച് ഓഫ് ഇലക്ട്രിസിറ്റി ഡിസ്ട്രിബ്യൂഷന്‍" എന്ന ലോകബാങ്ക്റിപ്പോര്‍ട്ടില്‍  അന്തര്‍ദേശീയ രംഗത്ത് കാരിയേജും കണ്ടന്റും വേര്‍തിരിച്ച അനുഭവങ്ങള്‍ നിരീക്ഷിച്ച് അതിന്റെ വെളിച്ചത്തില്‍  ഇന്ത്യയിലെഊര്‍ജ്ജ രംഗം ഇങ്ങനെയുള്ള വേര്‍തിരിക്കലിന് പാകമായില്ല എന്ന് വിലയിരുത്തിയിട്ടുണ്ട്. ഈ ബില്ലില്‍ പറയുന്നതുപോലെ ഒരു വര്‍ഷത്തിനകം രാജ്യത്താകമാനമുള്ള വൈദ്യുതി വിതരണ രംഗത്തെ കുത്തഴിച്ചുവിട്ടാല്‍ അതു മൊത്തത്തിലുള്ള **വൈദ്യുതി രംഗത്തിന് വിനാശകരമായിരിക്കും.


ചോയ്സ് എല്ലാവര്‍ക്കുമില്ല -

കേന്ദ്ര ഗവണ്‍മെന്റ് നിര്‍ദ്ദേശിക്കുന്ന ലോഡ് ഫാക്ടര്‍ ഉള്ള വന്‍ കിട ഉപഭോക്താക്കള്‍ക്ക് മാത്രമായി   സപ്ലയറെ തെരെഞ്ഞടുക്കാനുള്ള അവസരം ഭേദഗതി ബില്ലിലെ സെക്ഷന്‍ 51B(1) നിബന്ധന 30 പ്രകാരം  പരിമിതപ്പെടുത്തുന്നു.  500 കിലോവാട്ടിന് മുകളില്‍ ഉള്ള ഉപഭോക്താക്കള്‍ക്ക് മാത്രമേ ഇതിനവസരമുള്ളു എന്ന് കേന്ദ്ര ഗവണ്‍മെന്റ്   വ്യക്തമാക്കിയിട്ടുള്ളതാണ്. മൊത്തത്തിലുള്ള ഉപഭോക്താക്കളുടെ ഏതാണ്ട് 0.01% മാത്രമേ ഇത്തരത്തില്‍ വരികയുളളു. അതായതു 99.99% ഉപഭോക്താക്കള്‍ക്കും സപ്ലെയറെ തിരഞ്ഞെടുക്കാനുള്ള അവസരമില്ല. ലോഡുമായി ബന്ധപ്പെട്ട പരിധി വീണ്ടും പുനര്‍നിര്‍ണ്ണയം നടത്തുമെന്ന് കേന്ദ്ര ഗവണ്‍മെന്റ് പറയുന്നുണ്ടെങ്കിലും ഇതിലെ ചട്ടങ്ങള്‍ എല്ലാ വിഭാഗം ഉപഭോക്താക്കള്‍ക്കും സപ്ലയറെ തിരഞ്ഞെടുക്കാനുള്ള  അവസരം നല്‍കുന്നില്ല.


ഭേദഗതിബില്ലിന്റെ സെക്ഷന്‍ 51 B(1) നിബന്ധന 30 പ്രകാരം നിഷ്കര്‍ഷിക്കുന്ന ഉപഭോക്താക്കള്‍ക്കു മാത്രം വൈദ്യുതി നല്‍കാനുള്ള  ബാധ്യതയേ പുതിയ സപ്ലൈ ലൈസന്‍സികള്‍ക്കുള്ളൂ . ഇത്തരം ഉപഭോക്താക്കള്‍ ഉയര്‍ന്ന  ലോഡ് പ്രൊഫൈലുകള്‍ ഉള്ളവരാണ്. ഇത്തരം ഉപഭോക്താക്കളുടെ  പ്രത്യേകതകള്‍ താഴെ പറയുന്നവയാണ്.


(1)   ശരാശരി വൈദ്യുതി നിരക്ക് സാധാരണ ഉപഭോക്താക്കളുടെ നിരക്കിനേക്കാള്‍ ക്രോസ് സബ്സിഡി ഫാക്ടര്‍ കൊണ്ട് ഉയര്‍ന്നു നില്‍ക്കുന്നു.
(2)  ഉയര്‍ന്ന സപ്ലൈ വോള്‍ട്ടേജ്, ഓരോ സപ്ലൈ പോയിന്റിലുള്ള കൂടുതല്‍ വൈദ്യുതി ഉപഭോഗം മുതലായവ മൂലം സേവനത്തിന്റെ ചിലവ്   താരതമ്യേന കുറവാണ്.
(3) വരാന്‍ പോകുന്ന സപ്ലൈ ലൈസന്‍സി സേവനം നല്‍കുന്ന ഉപഭോക്താക്കള്‍ ഓപ്പണ്‍ ക്ലൈസ് കണ്‍സ്യൂമറെപ്പോലെ ക്രോസ് സബ്സിഡി സര്‍ചാര്‍ജ് നല്‍കേണ്ടതില്ല.
ഇത്തരം ഉപഭോക്താക്കള്‍ എണ്ണത്തില്‍ വളരെ കുറവും ഏകദേശം (0.01%), എന്നാല്‍ വളരെ ഊര്‍ജ്ജ ഉപഭോഗം ഉള്ളവരുമാണ് (സാധാരണ ഗതിയില്‍ ഏകദേശം 30%). ചുരുങ്ങിയ ചിലവില്‍ നിലവിലുള്ള താരിഫിനേക്കാള്‍ കുറഞ്ഞ നിരക്കില്‍ ഇവര്‍ക്കു വൈദ്യുതി നല്‍കാന്‍ സാധിക്കുമെന്നതിനാല്‍ പുതിയ ലൈസന്‍സികള്‍ക്ക് ഇവരെ കുറഞ്ഞ താരിഫ് വാഗ്ദാനം ചെയ്തു കയ്യടക്കാന്‍ വളരെ എളുപ്പം സാധിക്കും. ഇങ്ങനെയുള്ള ചെറിപിക്കിങ്ങ് കൊണ്ട് ഒരു ഏറ്റവും നല്ല വിഭാഗത്തെ പുതിയ സപ്ലൈ ലൈസന്‍സികള്‍ക്കു കയ്യടക്കാന്‍ പറ്റും. നിലവില്‍ ഉള്ള ലൈസന്‍സികള്‍ക്ക് സബ്സിഡി ലഭിക്കുന്ന ഉപഭോക്താക്കള്‍ക്കുള്ള താരിഫ് അസാധരണമാംവിധം വര്‍ദ്ധിപ്പിക്കേണ്ടി വരികയും ചെയ്യും.


ചെറുകിട ഉപഭോക്താക്കളുടെ ഭാരം കൂടും -

നിലവില്‍ എല്ലാ സംസ്ഥാനങ്ങളും ക്രോസ് സബ്സിഡി സംവിധാനത്തിലുള്ള താരിഫ് പിന്‍തുടരുന്നതു കാരണം ശരാശരി ചിലവിനേക്കാള്‍ കൂടുതല്‍ താരിഫ് നിരക്കുകള്‍ കൂടുതല്‍ വൈദ്യുതി ഉപയോഗിക്കുന്ന വാണിജ്യ വ്യാവസായിക ഉപഭോക്താക്കള്‍ നല്‍കേണ്ടി വരുന്നുണ്ട്. ഇതു കാരണം ശരാശരി ചിലവിനേക്കാള്‍ കുറഞ്ഞ നിരക്കില്‍ ചെറുകിട വ്യവസായികള്‍ക്കും ഗാര്‍ഹിക ഉപഭോക്താക്കള്‍ക്കും വൈദ്യുതി നല്‍കാന്‍ നിലവില്‍ കഴിയുന്നുണ്ട്. കൂടിയ നിരക്കില്‍ വന്‍കിട ഉപഭോക്താക്കള്‍ക്ക് വൈദ്യുതി വില്പനയില്‍ നിന്നും കിട്ടുന്ന മിച്ചം താഴേക്കിടയിലുള്ള ഉപഭോക്താക്കള്‍ക്ക് കുറഞ്ഞ നിരക്കില്‍ വൈദ്യുതി വിതരണം ചെയ്യുന്നതിലെ നഷ്ടം നികത്താന്‍ സഹായിക്കുന്നു.


ഏകദേശം 82% ഗാര്‍ഹിക ഉപഭോക്താക്കള്‍, ക്രോസ് സബ്സിഡി സംവിധാനംമൂലം, വൈദ്യുതിയുണ്ടാക്കാനുള്ള ചിലവിനേക്കാള്‍ കുറഞ്ഞ നിരക്കില്‍ വൈദ്യുതി ചാര്‍ജ് നല്‍കുന്നവരാണ്. വൈദ്യുതി ഉപഭോഗത്തിന്റെ ഏകദേശം 30% സബ്സിഡി സൗജന്യം അനുവദിക്കപ്പെടുന്ന കര്‍ഷകരാണ് ഉപയോഗിക്കുന്നത്. നിലവില്‍ വൈദ്യുതി വിതരണ സ്ഥാപനങ്ങള്‍ക്ക് ഇവര്‍ക്ക് കുറഞ്ഞ നിരക്കില്‍ സേവനം നല്‍കാന്‍ കഴിയുന്നത് ഇവര്‍ക്ക് നല്‍കുന്ന വൈദ്യുതി ചിലവിന്റെ ഒരു ഭാഗം ക്രോസ് സബ്സിഡിയായി സാമ്പത്തികമായി ഉയര്‍ന്നവരില്‍ നിന്നും ഈടാക്കുവാന്‍ സാധിക്കുന്നതിനാലാണ്. വൈദ്യുതി ചെലവിനേക്കാള്‍ ഉയര്‍ന്ന നിരക്കില്‍ വൈദ്യുതിചാര്‍ജ് നല്‍കുന്ന ഉപഭോക്താക്കളെ തിരഞ്ഞുപിടിച്ച് പുതിയ സ്വകാര്യ വിതരണ ലൈസന്‍സികള്‍ കയ്യടക്കിയാല്‍ (cherry picking) ചെറുകിട ഉപഭോക്താക്കള്‍ക്കുള്ള ഭാരം താങ്ങാന്‍ ആരുമുണ്ടാകില്ല.


വൈദ്യുതി ആഡംബരവസ്തുവാകും - 

സാമ്പത്തികശേഷി കൂടിയ വിഭാഗങ്ങള്‍ക്ക് കുറഞ്ഞ വൈദ്യുതി നിരക്കുകള്‍ തിരഞ്ഞെടുക്കുവാന്‍ സാധിക്കുന്നതാണ് ഭേദഗതി നിര്‍ദ്ദേശങ്ങള്‍. ഇവര്‍ക്ക് നിലവിലുള്ള വിതരണ ലൈസന്‍സികളുടെ കെട്ടുകളില്‍ നിന്നും മാറി സ്വകാര്യ വൈദ്യുതി ലൈസന്‍സികളില്‍ നിന്നും വൈദ്യുതി വാങ്ങുവാന്‍ സാധിക്കുമെന്നതു സന്തോഷം നല്‍കും.  സാമ്പത്തികമായി ഉയര്‍ന്നു നില്‍ക്കുന്ന ഉപഭോക്താക്കളെ തിരഞ്ഞുപിടിച്ച് തങ്ങളുടെ ഉപഭോക്താക്കളാക്കാന്‍ കഴിയുന്നത് വഴിയും പാവപ്പെട്ട ഉപഭോക്താക്കളെ നിലവിലുള്ള പൊതുവിതരണ വൈദ്യുതി സംവിധാനങ്ങളില്‍ നിലനിര്‍ത്തുന്നതുകൊണ്ടും പുതിയ സപ്ലൈ ലൈസന്‍സികള്‍ക്ക് ഇത് സന്തോഷം നല്‍കും. ക്രോസ് സബ്സിഡി ഇല്ലാതാകുന്നതു വഴി പാവപ്പെട്ടവര്‍ക്ക് ഉയര്‍ന്ന നിരക്കില്‍ വൈദ്യുതി ചാര്‍ജ്ജ് നല്‍കേണ്ടതായി വരും. സാധാരണ ഉപഭോക്താക്കളിലര്‍ക്കും വൈദ്യുതി കണക്ഷനുകള്‍ ആഡംബരവസ്തുവാകും. അത്  സറണ്ടര്‍ ചെയ്യാന്‍ നിര്‍ബന്ധിതരാകുകയും ചെയ്യും.


നിര്‍ബന്ധം പാടില്ല -

ഇതിന്റെ വെളിച്ചത്തില്‍ വൈദ്യുതി വിതരണ സംവിധാനത്തില്‍ കണ്ടന്റും കാരിയേജും തമ്മിലുള്ള വേര്‍തിരിക്കലും ഈ മേഖലയിലുള്ള അഴിച്ചുപണിയും ഈ മേഖലയെ വിനാശകരമായി ബാധിക്കും. ആയതിനാല്‍ ഈ നിര്‍ദ്ദേശങ്ങള്‍ അനുയോജ്യമാം വിധം മാറ്റേണ്ടതാണ്. ഇങ്ങനെയുള്ള മാറ്റങ്ങള്‍ നിര്‍ബന്ധിതമായി നിയമം മൂലം അടിച്ചേല്‍പ്പിക്കുന്നതിനു പകരം സംസ്ഥാന ഗവണ്മെന്റുകളുടെ തീരുമാനങ്ങള്‍ അനുസരിച്ച് ഘട്ടംഘട്ടമായ വിധത്തില്‍ അവതരിപ്പിക്കേണ്ടതാണ്.


ദേശീയ വൈദ്യുതിനിരക്കു നയം അടിച്ചേല്‍പ്പിക്കുന്നു -

നിലവില്‍ ദേശീയ വൈദ്യുതിനിരക്കു നയങ്ങള്‍ അനുസരിച്ച് സംസ്ഥാന കമ്മീഷനുകള്‍ പ്രവര്‍ത്തിക്കേണ്ടതാണ് എന്നാണെങ്കില്‍ ഭേദഗതിബില്ലിലെ  സെക്ഷന്‍ 61(2) നിബന്ധന 36 പ്രകാരം  ഇവ സ്റ്റേറ്റ് കമ്മീഷനുകള്‍ നിര്‍ബന്ധിതമായി ചെയ്യുവാനായി നിര്‍ദ്ദേശിക്കപ്പെട്ടിരിക്കുന്നു. വൈദ്യുതി മേഖലയുടെ അവസ്ഥയും സംസ്ഥാനങ്ങളുടെ സാമ്പത്തിക സ്ഥിതിയും ഓരോ സംസ്ഥാനത്തും വ്യത്യാസപ്പെട്ടിരിക്കുന്നതിനാല്‍ ഒരേ നയം എല്ലാ സംസ്ഥാന കമ്മീഷനുകളും നിര്‍ബന്ധമായും പിന്‍തുടരണം എന്നു നിര്‍ദ്ദേശിക്കുന്നത് അഭികാമ്യമല്ല. അതിനു പകരം സംസ്ഥാന ഗവണ്മെന്റുകള്‍ക്ക് കേന്ദ്രഗവണ്മെന്റുമായി കൂടിയാലോചനകളിലൂടെ സംസ്ഥാന വൈദ്യുതിനിരക്കു നയം രൂപപ്പെടുത്തുവാന്‍ അധികാരം നല്‍കുവാനും അതിനനുസരണമായി സംസ്ഥാന കമ്മീഷനുകള്‍ക്ക് പ്രവര്‍ത്തിക്കുവാന്‍ അവസരം നല്‍കുകയും ചെയ്യാവുന്നതാണ്.


റഗുലേറ്ററി വിധേയത്വം വളര്‍ത്തുന്നു -

ഭേദഗതി ബില്ലിന്റെ സെക്ഷന്‍ 89 നിബന്ധന 48 പ്രകാരം റഗുലേറ്ററി കമ്മീഷനുകളുടെ കാലാവധി അഞ്ചില്‍ നിന്നും മൂന്നാക്കി കുറക്കാന്‍ നിര്‍ദ്ദേശിച്ചിരിക്കുന്നു. നിലവില്‍ ചെയര്‍മാനും അംഗങ്ങളും വീണ്ടും ഈ പദവിയിലേക്ക് തിരഞ്ഞെടുക്കപ്പെടുവാന്‍ അര്‍ഹരല്ലാത്തതാണ്. എന്നാല്‍ ഈ ഭേദഗതി മൂലം പുതുതായി നിര്‍ദ്ദേശിക്കപ്പെട്ടിരിക്കുന്ന മൂന്നു വര്‍ഷ കാലാവധിക്കു ശേഷം അതേ പദവിയില്‍ പുനര്‍നിയമനം നടത്തി വീണ്ടും ഒരു തവണ കൂടി തുടരാം എന്നു പറയുന്നു. സ്വാഭാവികമായും ഇത് റഗുലേറ്ററി സംവിധാനത്തെ ശക്തിപ്പെടുത്താന്‍ ഉതകുന്നതല്ല. ഇങ്ങനെയുള്ള ഭേദഗതികള്‍ റഗുലേറ്ററുകളില്‍ അനാവശ്യ വിധേയത്വ പ്രവണത സൃഷ്ടിക്കുകയും അതു മൊത്തത്തില്‍ ഈ മേഖലയില്‍ ഉള്ള വികസനത്തെ ഇല്ലാതാക്കുകയും നിയമത്തിന്റെ തന്നെ ഉദ്ദേശത്തിന് എതിരായി വരികയും ചെയ്യും.


വിതരണ ലൈസന്‍സികളുടെ കണക്കുകള്‍ കുറ്റമറ്റതാക്കണം -

റഗുലേറ്ററി കമ്മീഷനുകളെ ശക്തിപ്പെടുത്തുന്നതിന്റെ ഭാഗമായി വിതരണ ലൈസന്‍സികളുടെ കണക്കുകള്‍, കമ്മീഷനുകള്‍ നിഷ്കര്‍ഷിച്ചിരിക്കുന്ന നിയമമനുസരിച്ച് സി.എ.ജി മുഖേനയോ അല്ലെങ്കില്‍ സ്വതന്ത്ര ഏജന്‍സി മുഖേനയോ ആഡിറ്റ് ചെയ്യുവാന്‍ അധികാരം നല്‍കുകയാണ് ചെയ്യേണ്ടത്.


ഫെഡറല്‍ സംവിധാനം ദുര്‍ബലമാകും -

ഇന്ത്യന്‍ ഭരണഘടനയുടെ കണ്‍കറണ്ട് ലിസ്റ്റിലാണ് വൈദ്യുതിയെ ഉള്‍പ്പെടുത്തിയിരിക്കുന്നത്. അന്തര്‍ സംസ്ഥാന വൈദ്യുതി ഉല്പാദനവും പ്രസരണവും സ്വാഭാവികമായി കേന്ദ്ര ഗവണ്മെന്റ് നിയന്ത്രിക്കുമ്പോള്‍ വിതരണവും വൈദ്യുതി നല്‍കലുമെല്ലാം സംസ്ഥാനത്തിന്റെ സംവിധാനങ്ങളിലൂടെയാണ് പൂര്‍ണ്ണമായും ചെയ്തുപോരുന്നത്. എന്നാല്‍  നിലവില്‍ ഉദ്ദേശിക്കപ്പെട്ടിട്ടുള്ള ഭേദഗതികള്‍ ഈ ദുര്‍ബ്ബലമായ അധികാരങ്ങളെ തന്നെ തകിടം മറിക്കാനും ഭരണഘടനാപരമായ നടത്തിപ്പിന് പ്രതിബന്ധം സൃഷ്ടിക്കുന്നതുമാണ്.


സംസ്ഥാന ഗവണ്മെന്റുകളുടെ പൂര്‍ണ്ണ നിയന്ത്രണത്തിലാകേണ്ട സംവിധാനങ്ങള്‍ ഈ ഭേദഗതികള്‍ മൂലം കേന്ദ്ര ഗവണ്മെന്റുകളുടെ നിയന്ത്രണത്തിലാകുന്നു. അതായത്


(1) സപ്ലൈ ലൈസന്‍സികളെ തിരഞ്ഞെടുക്കുവാന്‍ കഴിവുള്ള ഉപഭോക്താക്കളുടെ ലോഡ് പ്രൊഫൈല്‍ കേന്ദ്ര ഗവണ്മെന്റുകള്‍ സമയാസമയം നിര്‍ണ്ണയിക്കുമെന്നത്.
(2) സംസ്ഥാന കമ്മീഷനുകളുടെ പ്രകടനം സംബന്ധിച്ചുള്ള വിദഗ്ദ്ധ കമ്മിറ്റിയുടെ റിപ്പോര്‍ട്ടു നല്‍കേണ്ടത് കേന്ദ്രഗവണ്മെന്റിനാണെന്നത്.
(3) ദേശീയ താരിഫ് നയങ്ങള്‍ സംസ്ഥാന റഗുലേറ്ററി കമ്മീഷനുകള്‍ പിന്തുടരേണ്ടത് നിര്‍ബന്ധിതമാക്കിയത്
(4) വിതരണവും കൊടുക്കലും എന്ന വേര്‍തിരിക്കല്‍ ദേശീയ താരിഫ് നയങ്ങള്‍ക്ക് അനുസ്യൂതമാക്കിയത്.
(5) വിതരണരംഗം വിഭജിക്കുന്നതു വഴിയുണ്ടാകുന്ന ഇന്റര്‍മീഡിയറി കമ്പനി കേന്ദ്ര ഗവണ്മെന്റിന്റെ നിയന്ത്രണങ്ങള്‍ക്കനുസരിച്ച് പ്രവര്‍ത്തിക്കണമെന്നത്.
(6) ഭൂമിശാസ്ത്രപരമായി സംസ്ഥാനത്ത് ഒരേസ്ഥലത്ത് ഒന്നില്‍ കൂടുതല്‍ വിതരണ ലൈസന്‍സികളെ നിയോഗിക്കാനുള്ള അധികാരം കേന്ദ്രഗവണ്മെന്റിനു മാത്രം.
(7) ഉപഭോക്താവ് കേന്ദ്ര ഗവണ്മെന്റ് നിഷ്കര്‍ഷിക്കുന്ന വിധത്തില്‍ സ്മാര്‍ട്ട് മീറ്ററുകള്‍ വെക്കണം എന്നത്.


ഈ എല്ലാ നിബന്ധനകളും ഊര്‍ജ്ജവിതരണ രംഗത്തും അതിന്റെ നടത്തിപ്പിലും സംസ്ഥാന ഗവണ്മെന്റുകള്‍ക്കുള്ള അധികാരത്തില്‍ കേന്ദ്രഗവണ്മെന്റ് കടന്നുകയറാന്‍ അനുവദിക്കുന്നു എന്നതിനാല്‍ ഒഴിവാക്കേണ്ടതാണ്.
ഉല്പാദന ശേഷിയുടെ ഒരു നിശ്ചിത ശതമാനം നിര്‍ബന്ധമായും പാരമ്പര്യ ഊര്‍ജ സ്രോതസില്‍ നിന്നും ഉല്‍പ്പാദിപ്പിക്കണമെന്ന് ഈ ബില്ലില്‍ ഉള്‍ക്കൊള്ളിക്കുന്നത് ശരിയല്ല. അതിനു പകരം അതാതു ഗവണ്മെന്റുകള്‍ അവരുടെ നയരേഖയുടെ ഭാഗമായി കാലാകാലങ്ങളില്‍ ഇതു സംബന്ധിച്ച് നിഷ്കര്‍ഷിക്കാവുന്നതാണ്. ഭേദഗതി നിര്‍ദ്ദേശത്തില്‍ നിര്‍ബന്ധിതമായി ഉള്ള ഈ നിശ്ചിത ശതമാനം എന്ന് നിഷ്കര്‍ഷിച്ചിരിക്കുന്നത് ഒഴിവാക്കേണ്ടതാണ്.

 

Add comment


Security code
Refresh

20-conference
 

Random Videos

You need Flash player 6+ and JavaScript enabled to view this video.
Title: Power Quiz 2015 Final - Part-1

Latest Comments

Banner

Reference Book

 

Reference Book on Power

Electrical Engineering-- D' 1/4 Size Hard bound-- 1424 Pages-- Just Rs.1000/- only &n...

Visitors Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday4710
mod_vvisit_counterYesterday4897
mod_vvisit_counterThis Month123823
mod_vvisit_counterLast Month152890

Online Visitors: 80
IP: 54.196.107.247
,
Time: 22 : 20 : 48