KSEBOA - KSEB Officers' Association

Monday
Apr 23rd
Text size
  • Increase font size
  • Default font size
  • Decrease font size
Home വാര്‍ത്തകള്‍ മുഹമ്മദ്‌ അലി റാവുത്തര്‍ വൈദ്യുതി ബോര്‍ഡംഗം

മുഹമ്മദ്‌ അലി റാവുത്തര്‍ വൈദ്യുതി ബോര്‍ഡംഗം

PDF
Hits smaller text tool iconmedium text tool iconlarger text tool icon
മുഹമ്മദ്‌ അലി റാവുത്തര്‍ പൊട്ടിത്തെറിമൂലം തകരാറിലായ രണ്ടു പവര്‍ഹൗസുകളുടെ പ്രവര്‍ത്തനം പൂര്‍വസ്‌ഥിതിയിലാക്കാന്‍ ചുക്കാന്‍ പിടിച്ച ചീഫ്‌ എന്‍ജിനിയര്‍ക്കു വൈദ്യുതി ബോര്‍ഡംഗമായി നിയമനം. ജനറേഷന്‍ ചീഫ്‌ എന്‍ജിനിയറായ മുഹമ്മദ്‌ അലി റാവുത്തറെ ട്രാന്‍സ്‌മിഷന്‍ - ജനറേഷന്‍ ഓപറേഷന്‍സ്‌ അംഗമായാണു നിയമിച്ചിരിക്കുന്നത്‌. ഇതു സംബന്ധിച്ച ഫയലില്‍ മുഖ്യമന്ത്രി ഉമ്മന്‍ചാണ്ടി ഇന്നലെ ഒപ്പുവച്ചു. ധനവൈദ്യുതി മന്ത്രിമാര്‍ നേരത്തേതന്നെ നിയമനത്തിന്‌ അംഗീകാരം നല്‍കിയിരുന്നു.

ഒരാളെക്കൂടി നിയമിച്ചതോടെ നിലവിലുള്ള ടെക്‌നിക്കല്‍ അംഗങ്ങളുടെ അധികാരം വെട്ടിച്ചുരുക്കി. ദയാ പ്രദീപിനു വിതരണത്തിന്റെ ചുമതലയാണു നല്‍കിയിട്ടുള്ളത്‌.

അന്നമ്മ ജോണിനാണു ജനറേഷന്‍ പ്രൊജക്‌ടിന്റെ ചുമതല. 2008 ല്‍ സ്‌ഫോടനമുണ്ടായ മൂഴിയാര്‍ പവര്‍ഹൗസിന്റ നവീകരണച്ചുമതല ഏറ്റെടുക്കുമ്പോള്‍ റാവുത്തര്‍ ഡെപ്യൂട്ടി ചീഫ്‌ എന്‍ജിനീയറായിരുന്നു. നവീകരണം പൂര്‍ത്തിയാക്കി ഐ.എസ്‌.ഒ. നിലവാരത്തിലെത്തിച്ചതിനു ബോര്‍ഡ്‌ കഴിഞ്ഞമാസം അദ്ദേഹത്തെ പുരസ്‌കാരം നല്‍കി ആദരിച്ചു.

ചീഫ്‌ എന്‍ജിനീയറായി സ്‌ഥാനക്കയറ്റം നല്‍കിയ ഉടനെയാണ്‌, മൂലമറ്റത്തു പൊട്ടിത്തെറിമൂലമുണ്ടായ പ്രതിസന്ധി തരണം ചെയ്യാനുള്ള ദൗത്യം ഏല്‍പിച്ചത്‌.

പൊട്ടിത്തെറിയെത്തുടര്‍ന്നു നിലച്ച അഞ്ചാം നമ്പര്‍ ജനറേറ്ററര്‍ കമ്മീഷന്‍ ചെയ്യാനുള്ള പ്രവര്‍ത്തനം പൂര്‍ത്തിയാകാറായി. ചുരുങ്ങിയ കാലത്തിനിടെ ഈ ഭൂഗര്‍ഭ നിലയത്തില്‍ അദ്ദേഹം ഒട്ടേറെ പരിഷ്‌കാരങ്ങളാണു നടപ്പാക്കിയത്‌.

ജീവനക്കാരുടെ ഡ്യൂട്ടി സമയം ആറു മണിക്കൂറാക്കി. നവീകരണത്തിനു മുന്നോടിയായുള്ള പഠനം ബംഗളുരുവിലെ പവര്‍ റിസര്‍ച്ച്‌ ഇന്‍സ്‌റ്റിറ്റ്യൂട്ടിനെ ഏല്‍പിച്ചു. മൂലമറ്റത്തു ഫയര്‍സ്‌റ്റേഷന്‍ സ്‌ഥാപിക്കാന്‍ ശിപാര്‍ശ നല്‍കി. ഇതിനുള്ള സ്‌ഥലം കൈമാറാനും നടപടിയായി. പവര്‍ ഹൗസിലേക്ക്‌ ആംബുലന്‍സ്‌ വാങ്ങി. ഇന്നലെ ഇതിന്റെ ഉദ്‌ഘാടനം കഴിഞ്ഞപ്പോഴാണു നിയമന ഉത്തരവ്‌ ലഭിച്ചത്‌.

തിരുവനന്തപുരം നാവായിക്കുളത്തു താമസിക്കുന്ന റാവുത്തര്‍ അടൂര്‍ ഏനാത്തു സ്വദേശിയാണ്‌. കൊല്ലം ടി.കെ.എം. കോളജില്‍നിന്ന്‌ എന്‍ജിനീയറിംഗും എം.ബി.എയും പാസായി. അധ്യാപികയായ ഷാനിഫ ബീവിയാണു ഭാര്യ. മക്കള്‍: നിഷ (എന്‍ജിനീയര്‍),നിഖില്‍(എന്‍ജിനീയറിംഗ്‌ വിദ്യാര്‍ഥി).

ആധാരം - മംഗളം - 02-09-2011

 

Add comment


Security code
Refresh

Random Videos

You need Flash player 6+ and JavaScript enabled to view this video.
Title: Power Quiz 2015 Final - Part-1

Latest Comments

Banner

Reference Book

 

Reference Book on Power

Electrical Engineering-- D' 1/4 Size Hard bound-- 1424 Pages-- Just Rs.1000/- only &n...

Visitors Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday1867
mod_vvisit_counterYesterday3818
mod_vvisit_counterThis Month99383
mod_vvisit_counterLast Month123110

Online Visitors: 56
IP: 54.198.122.70
,
Time: 13 : 09 : 02