1. തൊഴിലാളി വിരുദ്ധമായ നാല് ലേബർകോഡുകളും ഉടൻ ഉപേക്ഷിക്കുക.
2. എല്ലാ അസംഘടിത തൊഴിലാളികൾക്കും, കരാർ തൊഴിലാളികൾക്കും, സ്കീം വർക്കർമാർക്കും പ്രതിമാസം 20000 രൂപ മിനിമം വേതനം നിശ്ചയിക്കുക.
3. തൊഴിലിന്റെ പുറം കരാർവൽക്കരണവും, നിശ്ചിതകാല തൊഴിലും, ഇൻസെന്റീവ് വർക്കും അംഗീകരിക്കാനാകില്ല. എല്ലാ വിഭാഗം കരാർ തൊഴിലാളികൾക്കും തുല്യ ജോലിക്ക് തുല്യ വേതനം നൽകുക.
4. ഇപിഎഫ് പെൻഷൻ മിനിമം 9000 രൂപ നൽകുക. എല്ലാ വിഭാഗം തൊഴിലാളികൾക്കും – കർഷക തൊഴിലാളികളുൾപ്പെടെ – സാമൂഹ്യ സുരക്ഷ ഉറപ്പാക്കുക. ഗിഗ് തൊഴിലാളി, മത്സ്യത്തൊഴിലാളി, ഗാർഹിക തൊഴിലാളി, അതിഥി തൊഴിലാളി, സ്കീം വർക്കർ, കയറ്റിറക്ക്, ഷോപ്‌സ്, മോട്ടോർ തൊഴിലാളി, നിർമ്മാണ തൊഴിലാളി, സെക്യൂരിറ്റി തൊഴിലാളി, ഹൗസ് കീപ്പിങ് തൊഴിലാളികൾ തുടങ്ങിയവർക്ക് ചികിത്സാസഹായം, സ്ഥിരം വരുമാനം, പെൻഷൻ ഇവ ഉറപ്പുവരു ത്തുക.
5. NPS-UPS ഉപേക്ഷിച്ച് പഴയ സ്റ്റാറ്റ്യൂട്ടറി പെൻഷൻ പുനഃസ്ഥാപിക്കുക.
6. പി.എഫിന്റെയും ബോണസിന്റെയും എല്ലാ പരിധികളും എടുത്തു കളയുക. ഗ്രാറ്റിവിറ്റി തുക വർദ്ധിപ്പിക്കുക.
7. അപേക്ഷ നൽകി 45 ദിവസത്തിനുള്ളിൽ ട്രേഡ് യൂണിയന് രജിസ്ട്രേഷൻ നൽകുക. സംഘടിക്കുവാനും സമരം ചെയ്യുവാനും തൊഴിലാളിക്കുള്ള അവകാശം പ്രഖ്യാപിക്കുന്ന സി 87 സി 98 ഐഎൽഒ കൺവെൻഷൻ ധാരണകൾ കേന്ദ്ര സർക്കാർ അംഗീകരിക്കുക.
8. വിലക്കയറ്റം നിയന്ത്രിക്കുക; ഭക്ഷ്യവസ്‌തുക്കൾ. മരുന്നുകൾ, കാർഷിക ഉപകരണങ്ങൾ തുടങ്ങിയവയിന്മേലുള്ള ചരക്ക് സേവന നികുതി ഒഴിവാക്കുക. പാചകവാതകത്തിനും പെട്രോളിയം ഉൽപ്പന്നങ്ങൾക്കുമുള്ള കേന്ദ്ര എക്സൈസ് നികുതി കുറയ്ക്കുക. പൊതുവിതരണം സാർവത്രികമാക്കി ഭക്ഷ്യസുരക്ഷ ഉറപ്പാക്കുക.
9. പൊതുമേഖലയും സർക്കാർ സ്ഥാപനങ്ങളും സ്വകാര്യ മേഖലയ്ക്ക് കൈമാറുന്നത് അവസാനിപ്പിക്കുക, ദേശീയ ആസ്‌തി വില്പ‌ന ഉപേക്ഷിക്കുക, ധാതു സമ്പത്തിന്റെ ഖനനത്തിനായുള്ള നിർദിഷ്ട നിയമം ഭേദഗതി ചെയ്യുകയും കൽക്കരിഖനികളിൽ നിന്നും ഇതര ഖനികളിൽ നിന്നും ലഭിക്കുന്ന ലാഭത്തിന്റെ 50 ശതമാനം ഖനി തൊഴിലാളികളുടെ അനുബന്ധസമൂഹത്തിന്റെയും പ്രത്യേകിച്ച് കൃഷിക്കാരുടെയും ആദിവാസി സമൂഹത്തിന്റെയും ക്ഷേമത്തിനായി നീക്കി വയ്ക്കുക.
10. മൊത്തം ഭക്ഷ്യധാന്യങ്ങൾ ഉത്പാദനച്ചെലവിന്റെ രണ്ടിരട്ടിയും അതിന്റെ 50 ശതമാനവും ചേർത്ത് താങ്ങുവില നിശ്ചയിച്ച് സർക്കാർ സംഭരിക്കണം. കർഷകന് വിത്തിനും വളത്തിനും വൈദ്യുതിക്കും നൽകുന്ന ഇളവ് വർദ്ധിപ്പിക്കണം.വിള ഇൻഷുറൻസ് ഏർപ്പെടുത്തണം. വായ്‌പാ ബാധ്യത എഴുതിത്തള്ളണം. കർഷകമോർച്ച ഉയർത്തിയ ചരിത്ര സമരത്തിന്റെ പശ്ചാത്തലത്തിൽ കേന്ദ്രസർക്കാർ കർഷക സംഘടനകൾക്ക് എഴുതി നൽകിയ എല്ലാ ഉറപ്പുകളും ഉടൻ നടപ്പിലാക്കണം.
11. 2022ലെ വൈദ്യുതി ഭേദഗതി നിയമം പിൻവലിക്കണം. ഊർജ്ജമേഖലയിലെ സ്വകാര്യവൽക്കരണം ഉപേക്ഷിക്കുകയും ടോട്ടെക്സ് പ്രീപെയ്‌ഡ് സ്‌മാർട്ട് മീറ്റർ വേണ്ടെന്നു വയ്ക്കുകയും വേണം.
12. തൊഴിലവകാശം മൗലികാവകാശമാക്കുക. അനുവദനീയമായ ഒഴിവുകൾ ഉടൻ നികത്തുക, തൊഴിലില്ലായ്‌മ പരിഹരിക്കുക, തൊഴിലുറപ്പ് തൊഴിലിന് വർഷം 200 ദിനങ്ങൾ ഉറപ്പ് നൽകി 600 രൂപ പ്രതിദിനം വേതനം അനുവദിക്കുക, നഗര തൊഴിലുറപ്പ് പദ്ധതി നിയമം ആക്കുക.
13. എല്ലാവർക്കും സൗജന്യ വിദ്യാഭ്യാസം : ആരോഗ്യ സംരക്ഷണം, വെള്ളം, ശുചിത്വം, ഭവനം, ഇവ ഉറപ്പാക്കുവാൻ സർക്കാർ ഗ്യാരന്റി നൽകുക. 2020ലെ വാണിജ്യ വിദ്യാഭ്യാസ നയം പിൻവലിക്കുക.
14. വനാവകാശ നിയമം (FRA) കർശനമായി നടപ്പിലാക്കുക, 2023ലെ ജൈവവൈവിധ്യ നിയമത്തിലെയും വന ഉപഭോഗ നിയമത്തിലെയും ഭേദഗതികൾ പിൻവലിക്കുക. വനഭൂമി യഥേഷ്‌ടം കൊള്ളയടിക്കാൻ അനുവാദം നൽകുന്നതിന് സർക്കാരിന് അധികാരം നൽകുന്ന എല്ലാ ഭേദഗതികളും ചട്ട ഭേദഗതിയിൽ നിന്ന് ഒഴിവാക്കി വനഭൂമി സംരക്ഷിക്കണം.
15. എല്ലാ നിർമ്മാണ തൊഴിലാളികളെയും സ്കീം വർക്കർമാരെയും ഇഎസ്ഐ പരിധിയിൽ കൊണ്ടുവരണം. തൊഴിലാളി ക്ഷേമനിധി വിഹിതം ഉപയോഗിച്ച് ആരോഗ്യ ഇൻഷുറൻസ്, മെറ്റേർണിറ്റി ആനുകൂല്യം തുടങ്ങിയ ആശ്വാസ നടപടികൾ ഈശ്രം പോർട്ടലിൽ രജിസ്റ്റർ ചെയ്‌ത എല്ലാ വിഭാഗം തൊഴിലാളി കൾക്കും അനുവദിക്കണം. ILO നിർദേശങ്ങൾ ഗാർഹിക തൊഴിലാളികൾക്കും വീട്ടുവേല ചെയ്യുന്നവർക്കും ബാധകമാക്കി തൊഴിൽ സുരക്ഷ ഉറപ്പാക്കാൻ നിയമം കൊണ്ടുവരണം. 1979 ലെ ഇതര സംസ്ഥാന തൊഴിലാളി തൊഴിൽ നിയന്ത്രണ നിയമം കാര്യക്ഷമമായി നടപ്പിലാക്കുവാൻ സർക്കാർ നയം കൊണ്ടുവരണം.
16. എല്ലാത്തരത്തിലുള്ള ശതകോടിശ്വരരുടെ കുത്തക നികുതിയും മറ്റ് മൂലധന നികുതികളും വർദ്ധിപ്പിച്ച് സാമൂഹ്യക്ഷേമത്തിന് പണം കണ്ടെത്തണം.
17. പ്രതികരിക്കാനും. വിമർശിക്കുവാനും മതസ്വാതന്ത്ര്യത്തിനും സാംസ്കാരിക ബഹുസ്വരതയ്ക്കും, ഭാഷ, സമത്വം എന്നിങ്ങനെ ഇന്ത്യൻ ഭരണഘടന ഓരോ പൗരനും ഉറപ്പു നൽകുന്ന മൂല്യങ്ങൾ ഇല്ലാതാക്കുന്നതും രാജ്യത്തിന്റെ ഫെഡറൽ പരിരക്ഷ തകർക്കുന്നതുമായ എല്ലാ നടപടികളും കേന്ദ്രസർക്കാർ അവസാനിപ്പിക്കണം.
